Иртәгә,16 сентябрҙә Башҡорт дәүләт ҡурсаҡ театры 86-сы ижад миҙгелен асасаҡ. Театр йәнә кескәйҙәрҙе яңы, ҡыҙыҡлы «Ете тылсымлы теләк» исемле спектакль-квесты менән һөйөндөрөргә йыйына.
Спектакль Башҡортостан халыҡтарының телдәрен һаҡлау, өйрәнеү һәм үҫтереү буйынса саралар барышында яҙылған. Тамашаны сәхнәгә ҡуйыусылар билдәле рәссам Әнисә Томаншина һәм режиссер Альберт Имаметдинов.
Миҙгелде асыу тантанаһы театр фойеһында ҡыҙыҡлы байрам программаһы менән башланып китәсәк, ойоштороусылар. Бәләкәй тамашасылар билдәле әкиәт геройҙары менән осрашасаҡ, иҫтәлеккә фотоға ла төшөү мөмкинселеге буласаҡ.
Һәр ваҡыттағыса 86-сы ижад миҙгелендә лә театр күп кенә яңы ҡуйылыштар вәғәҙәләй. Күсмә майҙансыҡтарҙа ла спектаклдәр менән сығыш яһарға ниәтләйҙәр. Театр йәнә өлкәндәр өсөн тағы бер спектакль өҫтөндә эш алып бара.