Кисә, 14 сентябрь көнө, VI «Туғанлыҡ» халыҡ-ара төрки телле театрҙар фестивале — барлыҡ театрҙарҙы берләштергән Өфөләге ҙур мәҙәни сара тамамланды. Еңеүселәр 11 номинацияла билдәләнде, шуға өҫтәп фестивалдең махсус приздары һәм дипломдары тапшырылды.

Еңеүселәргә приздар түбәндәгесә бүленде:

«Иң яҡшы спектакль» - «Антигона» спектакле (Ж.Ануй, реж.Ф.Бикчантаев) М.Ғафури исемендәге Башҡорт академия драма театры

«Иң яҡшы режиссер эше» - «Дон Жуан» спектакле өсөн (Ж.-Б.Мольер, режиссер Фарид Бикчантаев) Ғ.Камал исемендәге Татар дәүләт академия театры

«Иң яҡшы сценография» - Валерий Яковлев («Кәкүкле сәғәт» спектакле өсөн (М.Карягина, реж.В.Яковлев) К.Иванов исемендәге Сыуаш академия драма театры

«Иң яҡшы музыкаль биҙәлеш» - «Ревизор» спектакле өсөн (Н.В.Гоголь, реж. Н.Жакыпбай) «Жастар» театры (Ҡаҙағстан, Астана ҡ.)

«Иң яҡшы ир-егет роле» - Олег Ханов («Антигона» спектаклендәге Креона роле өсөн (Ж.Ануй, реж.Ф.Бикчантаев) М.Ғафури исемендәге Башҡорт академия драма театры

«Иң яҡшы ҡатын-ҡыҙ роле» - Лилиә Ғәлина («Антигона» спектаклендәге Антигона роле өсөн (Ж.Ануй, реж.Ф.Бикчантаев) М.Ғафури исемендәге Башҡорт академия драма театры

«Икенсе пландағы иң яҡшы ир-егет роле» - Илдар Саитов («Антигона» спектаклендәге Һаҡсы роле өсөн (Ж.Ануй, реж.Ф.Бикчантаев) М.Ғафури исемендәге Башҡорт академия драма театры

«Икенсе пландағы иң-яҡшы ҡатын-ҡыҙ роле» - Махаббат Мадғүлова («Ревизор» спектаклендә Анны Андреевна роле өсөн, Н.В.Гоголь, реж. Н.Жакыпбай) «Жастар» театры (Ҡаҙағстан, Астана ҡ.)

«Эпизод ролен оҫта башҡарғаны өсөн» - Динара Ҡыдырмаева («Ҡиәмәт» спектаклендә Акбар роле өсөн (Ч.Айтматов, реж. Б.Абдураззоков) «Учур» дәүләт йәштәр театры (Ҡырғыҙстан, Бешкәк ҡ.)

«Спектаклдәрҙәге костюмдар өсөн» - Влада Чаптыкова Костюмдар буйынса рәссам, «Алып Пил Тараан» А.М.Топанова исемендәге Хакас милли драма театры (Хакасия, Ағбан ҡ.)

Башҡортостан Республикаһы мәҙәниәт министрлығының дипломдары тапшырылды:

Ҡ.Кулиев исемендәге Балҡар дәүләт драма театры — ижадта донъя халыҡтарының тыныслығы тураһындағы хыял өсөн.

К.Иванов исемендәге Сыуаш академия драма театрының Художество етәксеһе Валерий Яковлевҡа - халыҡ күңеленә ижад менән үтеп ингәне өсөн.

Ноғай драма театры — классиканы үҙенсәлекле итеп уҡығаны өсөн.

Тәнҡитселәр коллегияһының бүләге Мостай Кәрим исемендәге Милли йәштәр театрының «Калигула» спектакленә (А.Камю, реж. Азат Йыһаншин), ә дипломдары Ғ.Камал исемендәге Татар дәүләт академия театрының «Дон Жуан» спектакленә (Ж.-Б.Мольер, реж.Ф.Бикчантаев) һәм «Жастар» театрының «Ревизор» спектакленә (Н.В.Гоголь, реж.Н.Жакыпбай) бирелде.