Республика башлығы Рөстәм Хәмитов ошо туралағы указға ҡул ҡуйҙы, уға ярашлы, Башҡортостан хөкүмәтенә юбилей сараларын ойоштороу комитетын булдырырға, шулай уҡ сығымдарҙы финанслау сығанаҡтарын билдәләргә ҡушылған. Башҡортостан, РСФСР һәм СССР-ҙың халыҡ артисы Заһир Исмәғилев иҫке стиль буйынса 1916 йылдың 26 декабрендә Белорет районы Сермән ауылында тыуған. Композитор милли опера, камера-вокал, хор һәм инструменатль музыка үҫешенә ҙур өлөш индерә. Ул 300-ҙән ашыу йыр һәм романс авторы. "Салауат Юлаев", "Урал илселәре", "Ҡаһым түрә", "Аҡмулла", "Шәүрә"опералары, "Ҡоҙаса", "Алмаҡай" комедиялары киң билдәле.