16 июнь календарҙа башҡорт халҡының батыр улы, шағир улы Салауат Юлаевтың тыуған көнө булараҡ билдәләнгән. Уны халыҡ онотмай, уның образы аша илһөйәрлек, ирек һөйөүсәнлек, азатлыҡ өсөн йәнде-тәнде аямайса көрәшеү кәрәклеге быуындан-быуынға күсә килә.Салауат Юлаев - бөгөн дә бөйөк. Ул үҙендә тотош халыҡҡа хас һыҙаттарҙы туплаған. Әгәр был сифаттар тик айырым батырҙыҡы ғына булһа, күптән онотолған булыр ине. Халыҡ балаһы булғанға бөйөк ул. Һыбай торған Салауат ҡына түгел, ҡурайсы ла, шағир ҙа.(Ғәлим Хисамов) хәрби етәксе булыу ҡандан бирелгән. Ул халыҡтың рухи булмышы менән бергә. Бер халыҡтың милли геройы - бөтә донъяның ҡаҙанышы, табышы. 16 июньдә балалар өсөн милли батырыбыҙ тураһында тарих сәғәте уҙғарыла. Улар батырҙың тормош юлы һәм күрһәткән батырлыҡтары менән яҡындан танышасаҡтар.

Источник: Культура.РФ