Тамашасылар һаны тик кинематографсылар союзының профессионалдарынан һәм бер-нисә саҡырылған журналистан торҙо. Әлбиттә, режиссерҙың милләтебеҙ мәҙәниәтенә һәм тарихына тығыҙ бәйләнешле эше береһен дә битараф ҡалдырманы, кәңәшләшеү ҙә теремек барҙы. Һөйләшеү барышында Рияз Исхаков үҙе төшөргән фильм тураһында шундай фекер әйтте: “…Иң тәүҙә фильмды баһалағанда шуны иҫәптә тоторға кәрәк – был телевидение өсөн төшөрөлгән аҙ бюджетлы “әйбер”. Әлбиттә, шул шарттарҙан килеп тыуған бөтә ҡытыршылыҡтар ҙа, ҡыйынлыҡтар ҙа фильмда сағылыш таба. Икенсенән, был тәңгәлдә алып барылған эштәрҙең бөгөнгө көндә актуаль булып ҡалыуын танымаусылар, аңларға теләмәүселәр төплө хаталана. Заман шарттарына тап килгән, йәштәребеҙҙең мәҙәниәте менән бергә «тын алған», атлаған юлдарҙан барырға кәрәк. Бөгөн бөтә донъя киң билдәле «You tube» хеҙмәте менән файҙалана икән, беҙ ҙә шунда булырға тейешбеҙ.

Йәғни мәҙәни ҡиммәттәребеҙҙе лә йәштәребеҙгә уның аша еткерә белергә тейешбеҙ. Икенсенән, төп маҡсатыбыҙҙың рухи һәм әхлаҡи ҡиммәттәрҙе балаларыбыҙ күңеленә еткереү булыуын иҫәпкә алғанда, был отошлораҡ та." 

Сығанаҡ: «Шоңҡар» журналы