6 март «Нефтселәр» мәҙәниәт һарайында «Һылыуҡай–2013» республика гүзәллек бәйгеһе үтә. Мәртәбәле сараны БР Мәҙәниәт министрлығы, «Башҡортостан» телерадиокомпанияһы, Республика халыҡ ижады үҙәге һәм «Аҙна» гәзите ойоштора.

Быйыл конкурс финалында 12 ҡыҙ ҡатнашасаҡ. Һайлап алыу туры ваҡытында жюри ҡыҙҙарҙы башҡорт телендә иркен аралашыуына, үҙҙәрен сәхнәлә тота белеүҙәренә, һәләтле, һөйкөмлө булыуҙарына ҡарап һайлаған .

Әле ҡыҙҙар конкурсҡа «Һаулыҡ шишмәһе» санаторийында әҙерләнәләр, 1 ай эсендә улар бейергә, бәйет әйтергә, йырларға өйрәнделәр, актер оҫталығы серҙәренә төшөндөләр. 

Гүзәллек бәйгеһе 19.00 сәғәттә башлана. Республиканың иң һылыу ҡыҙы кем булыр?

«Башҡортостандың мәҙәни донъяһы» порталы