Был аҙнала башҡорт йәмәғәтселегендә, яңылыҡтарында, интернет киңлегендә, матбуғатта “Һылыуҡай – 2014” матурлыҡ конкурсына һайлап алыу тураһындағы яңылыҡ төп урынды биләне. Иҫегеҙгә төшөрәбеҙ, 10 февралдә Башҡортостан юлдаш телевидениеһында матурлыҡ бәйгеһенә һайлап алыу туры үткәрелде, 12 ҡыҙ финалға үтте. Йомғаҡлау 4 мартта үтәсәк. 

"Йәшлек" гәзитенең “Бәйләнештә”ге “Йәшлек гүзәле – 2014 конкурсы” төркөмөндә һылыуҡайҙарға тауыш биреү башланды. Уға март башында йомғаҡ яһаласаҡ. Иң күп тауыш йыйған ҡыҙ тураһындағы мәғлүмәт гәзит биттәрендә сығасаҡ, махсус приз да тапшырыласаҡ.