Мифтахетдин Аҡмулла исемендәге премия лауреаты тип быйылғы йылда БР Мәҙәниәт министрлығының ТЮРКСОЙ Халыҡ-ара ойошмаһы вәкиле Әхәт Салихов табылды. Премия Әхәт Ғөбәй улына Аҡмулланың ижади мираҫын халыҡ-ара кимәлдә танытыу маҡсатында башҡарған эштәре өсөн бирелде. Бүләкләү тантанаһы мәғрифәтсенең тыуған яғы – Миәкә районында үтте.

Мифтахетдин Аҡмулла исемендәге премия 1989 йылда Миәкә районы хакимиәте тарафынан бөйөк мәғрифәтсенең исемен мәңгелләштереү маҡсатында булдырылған. Ул шәхестең тормошон һәм ижадын төптән өйрәнеүсе, киң ҡатламға сығарыусы фән һәм әҙәбиәт белгестәренә бирелә.