Баш ҡалабыҙҙа «Йондоҙҙар аллеяһы»н булдырыу буйынса Өфө ҡала хакимиәтендә түңәрәк өҫтәл ойошторолдо. Үҙенсәлекле проекттың авторҙары Йәштәр палатаһы ағзалары. Улар аллеяның Ленин урамы зонаһында Зәки Вәлиди һәм Пушкин урамдары участкаларында урынлашыуын теләй. Өфө ҡалаһы хакимиәтенең архитектура һәм ҡала төҙөлөшө идаралығының бүлек етәксеһе урынбаҫары Галина Чиглинцева был проект буйынса профессиональ архитекторҙар араһында конкурс иғлан итергә тәҡдим итте. Ҡала башлығы Ирек Ялалов фекеренсә, аллеяла Өфө тарихында тәрән эҙ ҡалдырған, уың үҫешенә тос өлөш индергән шәхестәрҙең исеме урынлашырға тейеш.