Өфө ҡала хакимиәтенән хәбәр итеүҙәренсә, 13 сентябрь Баҡалы урамында «Болоттар» («Облака») Заманса сәнғәт үҙәге асыла. Ҙур, иркен майҙанда баш ҡала рәссамдары – Сергей Краснов, Айрат Тереғолов, Рәис Ғәйетов, Камил Ғөбәйҙуллин һәм башҡаларҙың иң яҡшы эштәре ҡуйыласаҡ.

Ижади үҙәктә спектаклдәр, автор кинолары, музыкаль-әҙәби кисәләр үтәсәк. Шулай уҡ бында килеп китап уҡырға ла була. Сәнғәт үҙәгенең популяр булып китеренә шик юҡ.