20, 21 декабрҙә баш ҡалабыҙ 2014 йылда үткән XXII ҡышҡы Олимпиада уйындарының Эстафетаһын ҡабул итте. Өфөлә иһә Эстафетаның оҙонлоғо 90 саҡрым тирәһе булды. Әйтергә кәрәк, Республикабыҙ тарихында Олимпиада уты тәүге тапҡыр!

Шулай итеп, Олимпиада уты ҡулдан-ҡулға күсеп, 21 декабрь Алмас Әмировҡа ла килеп етте. Алмас Хәдис улы әйтеүенсә, был сара бик күңелле, тантаналы кимәлдә үтте. Әлбиттә, ҡыуаныслы, серле, тулҡынланыу хистәре лә «йүгеренкеләгәйне». Үтә һыуыҡ көнгә ҡарамаҫтан, бихисап күп кеше йыйылғайны, барыһы ла ҡыуанып, фото/видеоға төшөтөләр.

Хәҙер инде Алмас Әмиров алып барған факел М. Ғафури исемендәге Башҡорт академия драма театрының музейында лайыҡлы урын биләп тора. Олимпиада утының спорт рухына ҡатнаш булырға теләгән тамашасылар, музейға рәхим итегеҙ!

Донъяла иң танылған Уттың өлөшөнөң театрыбыҙға ҡағылыуы –күркәм ваҡиға һәм ғорурлыҡ!