Серҙәр яратаһығыҙмы? Серҙәр беҙҙең тормошобыҙҙы ҡыҙыҡлыраҡ, байыраҡ итә. Һәм төрлө мажаралар донъяһына алып керә. Әйтәйек, тиҙҙән "НУР" театры сәхнәһендә ана шундай тылсымлы мажаралар уйналасаҡ.

Мансур Ғиләжевтың “Серле алтын тараҡ” исемле әкиәте балалар өсөн Яңы йыл бүләге булып яңғырар!

Әҫәр татар халыҡ әкиәттәре һәм мифтарына нигеҙләнеп ижад ителгән. Ҡасандыр, Ҡара АждаҺа ҡушыуы буйынса Һыу инәһе ауылдан бер ҡыҙ баланы урлай. Аждаһа уны улына килен итергә теләй. Буй еткән һылыуҙы кейәүгә бирер ваҡыт та етә, туйға әҙерлек башлана. Тик Алтынсәсте генә был хәлдәр ҡыуандырмай, киреһенсә шомға һәм һағышҡа һала. Йөрәге ниндәйҙер ҡурҡыныс һиҙә, башҡаны көтә. Һәм ул килә! Батыр Алтынбәк сихырланғән Алтынсәсте генә түгел, бөтә һаҙлыҡта йәшәүселәрҙе ҡара көстәр әсирлегенән ҡотҡара.

Спектаклдә театрҙың йәш артистары – Алина Дәүләтшина, Руслан Хисәметдинов, Рида Фәхрисламова, Илшат Салауатов, Фәнил Ғәйзетдинов, Эльмир Хәйертдинов, Майя Ғөбәйҙуллина ҡатнаша. Төп ролдәрҙә - Айһылыу Ғүмәрова, Илгизә Муллабаева һәм Азат Вәлиуллин.

Премьера 21 декабрҙә уйналып, 30-ына ҡәҙәр дауам итәсәк. Һәм Яңы йыл каникулдарында 2-се ғинуарҙан алып 8-нә тиклем барасаҡ. Серле һәм ҡыҙыҡлы яңы йыл мажаралар донъяһына сәйәхәт ҡылырға ашығығыҙ, ҡәҙерле дуҫтар!

Сығанаҡ: Өфө “Нур” татар театры