Зәйнәб Биишева исемендәге «Китап» нәшриәтендә драматург Азат Абдуллиндың һайланма әҫәрҙәренең икенсе томы донъя күрҙе. Тәүге томлыҡта тик драма әҫәрҙәре генә булһа, икенсеһендә китап уҡыусыларҙы яңы асыштар көтә.

Азат Абдуллиндың көтөп алынған һайланма әҫәрҙәре авторҙың мәктәп программаһы буйынса өйрәнелгән әҫәрҙәренән тора. Йыйынтыҡтың «Боҙло тәхет» драмаһына үҙенә бер мәғәнә һалынған. Ул «халыҡ юлбашсыһы» Сталиндың мәрхүм булыуына 60 йыл тулыу айҡанлы яҙылған.

Азат Хаммат улы әйтеүенсә, «Боҙло тәхет» драмаһы Иосиф Виссарионович менән яҡшы таныш булған кеше хәтирәләре буйынса яҙылған. Әҫәрҙе ижад иткәндә төп маҡсат тарихи ысынбарлыҡтарҙы күрһәтеү түгел, ә Сталинды шәхес булараҡ асыу булды, ти автор. Әле драматург һайланма әҫәрҙәрҙең өсөнсө томы өҫтөндә эшләй. Йыйынтыҡтарҙың һуңғы томына авторҙың мемуарҙары һәм көндәлектәре лә инәсәк. Азат Абдуллин әйтеүенсә, киләһе әҫәрендә уның биографияһында был көнгәсә билдәле булмаған хәлдәр сағыласаҡ.

Сығанаҡ: БЮТ сайтынан