Ике йылға бер уҙғарылған конкурс олоһон да, кесеһен дә бер майҙанға йыйҙы.

Таҡмаҡ әйтеү бәйгеһендә ҡатнашыусыларҙың йәш үҙенсәлектәре сикләнмәгән. Бында үҙен оҫта таҡмаҡ әйтеүсе тип һанаған һәр кем ҡатнаша алды. Уҙған таҡмаҡсылар бәйгеһендә иң өлкән ҡатнашыусы инәй һикһәненсе тиҫтәне ваҡлаһа, иң кесеһенә иһә ни бары 6 йәш.

Таҡмаҡсылар бер нисә төркөмгә бүленеп көс һынашты: яңғыҙ башҡарыусылар, дуэт менән һәм коллектив менән таҡмаҡ әйтеүселәр. Әлбиттә бындай сараның әһәмиәте бик ҙур, тип билдәләй ойоштороусылар. Ул халыҡ фольклорының бер тармағы булараҡ билдәле, шуға ла уны үҫтереү һәм йәш быуынға еткереү мөһим.

Таҡмаҡ әйтеү бәйгеһе районда ике йылға бер үткәрелә. Ул 2009-сы йылда старт ала, был йылды иһә урал аръяғының 6 районының таҡмаҡ әйтеү оҫталары үҙ-ара көс һынаша. Бәйге 2011 се йылда район кимәлендә уҙа. Хәҙер ойоштороусылар уны республика кимәлендә үткәреүҙе ниәтләй.

Сығанаҡ: Башҡортостан юлдаш телевидениеһы