Быйыл Баймаҡ ҡалаһы 75 йәшлек юбилейын ҡаршылай. Әле ҡалала был тантанаға әҙерлек эштәре бара. Ҡала хакимиәтенең төҙөлөш буйынса урынбаҫары Константин Замотаев әйтеүенсә, ҡаланың үҙәк майҙаны танымаҫлыҡ булып үҙгәрәсәк. Унда ағастар ултыртыласаҡ, райондың һуғыш ветерандары аллеяһы барлыҡҡа киләсәк. Шулай уҡ асфальт һәм тәбиғи таш түшәләсәк, махсус ятҡыртҡыстар менән йыһазландырылған фонтан, эскәмйәләр урынлашасаҡ. Проект буйынса бында Алдар батырға һәйкәл ҡуйыу планлаштырыла.

Үҙәк майҙан ҡала халҡының яратҡан ял итеү урынына әүереләсәк.