"Байыҡ - 2014" республика телевизион бейеү конкурсының һайлап алыу турында Әбйәлил, Хайбулла, Бөрйән, Йылайыр, Ейәнсура, Баймаҡ, Күгәрсен райондарының һәм Сибай ҡалаһының бейеүселәре үҙ һәләттәрен, бейеү оҫталығын күрһәтә алды. Көнъяҡ-көнсығыш райондары бейеүселәренә өмөттәр ҙур, тип белдерҙе баһалама ағзалары ла. Сөнки был төбәктең бейеүселәре халыҡсан бейеүҙәре менән дә, милли, бай костюмдары менән дә башҡа райондарҙан күпкә айырыла.

Райондың Ирәндек бейеү ансамбеленә 1983 йылда Башҡортостандың атҡаҙанған мәҙәниәт хеҙмәткәре Динислам Исҡужин нигеҙ һала. Ошо ваҡыт эсендә ул Рәсәй, сит ил сәхнәләрен таң ҡалдырып өлгөрә. Әле лә танылған бейеү ансамбеле йәш һәләттәр менән тулылана, үткән "Байыҡ - 2014" республика телевизион конкурсына һайлап алыу турында ла ирәндектәр һынатманы. Бында яңғыҙ башҡарыусылар, парлы һәм ансамбль менән сығыш яһаусылар ҙа булды. Һәр төбәк тә үҙ бейеүселәрен еңеүсе итеп күрергә теләне.

Иң шәп бейеү оҫтаһы тип табылыусылар артабан үҙ көстәрен Өфөлә үтәсәк "Байыҡ - 2014" республика телевизион бейеү конкурсының һайлап алыу турында һынай аласаҡ.