Буласаҡ музейҙың фәнни-концепцияһын үҫтереү юлдарын барлау маҡсаты менән төбәккә бер төркөм тарихсылар килде.

Тарихи-археологик музей Фәйзулла, Манһар ауылдары урынлашҡан биләмәлә егерме биш мең гектар майҙанды биләйәсәк. Элекке Фәйзулла ауылы урынында иһә, төрлө быуаттарҙа башҡорт ауылын, көнкүрешен, хужалығын кәүҙәләндергән этнографик музей буласаҡ. Был күләмле проектты бойомға ашырыу өсөн яҡынса биш-ун йыл талап ителәсәк, ти белгестәр.

Әлеге көндә музей-заповедниктың сиктәре билдәләнеп тейешле тамғалар беркетелгән, уны тәү башланғысында һаҡлау маҡсатында бер-нисә ҡаҙылма эштәр туҡтатылған, биш кешенән торған штат булдырылған.