Сирләп дауаханаға эләккән сабыйҙарға Владимир Спиваковтың хәйриә фонды проектындағы йәш таланттар концерт ҡуя. Программа буйынса Өфөләге тәүге сығыштары.

Байрам көнөндә республика балалар дауаханаһы осраҡлы һайланмаған. Музыка дауалау көсөнә эйә. Репертуар ентекле һайланған. Республика, Рәсәй һәм Халыҡ-ара конкурстар лауреаттары фортепьяно, скрипка, баян һәм балалайка моңдары бүләк итте.

Владимир Спиваковтың Башҡортостандағы хәйриә фонды "Балалар-балаларға" проекты республиканың бер быуатлыҡ юбилейына арналған. Йәш таланттар ҡатнашлығында 14 төбәктә- төрлө ҡалаларҙа, балалар йорттары, приюттарҙа һәм дауаханаларҙа хәйриә сығыштары ойошторолған. Проектҡа ярашлы йәш һәләтле музыканттар йыл дауамында республика буйлап концерт ҡуясаҡ.