Телерадиокомпанияның «Һуңғы әйҙәүсе йәки баһаланмаған батыр» документаль фильмын жюри ағзалары юғары баһаланы һәм ул «Иң яҡшы хәрби-патриотик программа» номинацияһында еңеү яуланы. Был документаль картинаның авторы республикабыҙҙа киң билдәле журналист, БР-ҙың атҡаҙанған мәҙәниәт хеҙмәткәре Луиза Фархшатова. «Һуңғы әйҙәүсе йәки баһаланмаған батыр» 2012 йылда төшөрөлгән.

Белешмә: «Мәңгелек ут» Халыҡ-ара телепрограммалар һәм телефильмдар фестивале 30 майҙан 1 июнгә тиклем Волгоград ҡалаһында үтте. Ул Сталинград һуғышының 70 йыллығына бағышланды. Быйылғы конкурсҡа Рәсәй һәм сит илдәрҙән 100 яҡын эштәр тәҡдим ителде.