Был турала каналдың яңы проекттары менән таныштырған тамашала билдәләнде.

Республиканың төп телеканалы Ер шарының теләһә ниндәй нөктәһендә лә күрһәтә. Бының өсөн инде күптәргә билдәле tv-rb.ru Интернет сайты булдырылғайны. Әле иһә Smart TV функцияһы булған телевизор һәм смартфондарҙан да Башҡортостан юлдаш телевидениеһын күрһәтеү ысулы уйлап табылған. Шулай уҡ бөгөн телевидениеның эфир һәм кабель тапшырыуҙарының 8 миллионға яҡын потенциаль тамашасыһы бар. Телеканалдың аудиторияһы үҫеү менән бергә уның эстәлеге лә яңыра. Күптән түгел «Тарих һөйөүселәр клубы», «Физ-ра», «Попкорм» кеүек яңы проекттар старт алды. Тиҙҙән башҡорт телендә ике мажаралы фильм һәм бер нисә сериал донъя күрәсәк. Башҡортостан юлдаш телевидениеһы - төрлө йәштәге кешеләр өсөн дә берҙәй ҡыҙыҡлы һәм фәһемле канал. Быны телевизор ҡараусылар үҙҙәре үк иҫбатлай.

Сығанаҡ: Башҡортостан юлдаш телевидениеһы сайтынан