Республиканың «Республика Башкортостан» һәм «Молодежная газета» баҫмалары «Санат - 2013» Бөтә Рәсәй матбуғат баҫмалары конкурсында лауреат исемен яуланылар.

«Республика Башкортостан» гәзитенең баш мөхәррире Эльза Хорева әйтеүенсә, бааҫма был конкурста тәүге тапҡыр ҡатнаша. «Тәүге биттең иң яҡшы дизайны өсөн» номинацияһында еңеү беҙҙең өсөн шатлыҡлы хәл, тине ул. «Молодежная газета» мөхәррире Ярослава Голобородько киләһе йылда ла был конкурста ҡатнашырға иҫәп бар, тип белдерҙе. Йәштәр баҫмаһы шулай уҡ ошо номинацияла билдәләнде.

«Санат» конкурсы йыл һайын үткәрелә. Быйылғы йылда унда Рәсәй, Белорус һәм Ҡаҙағстандан 33 баҫма ярышты.