Мәҙәниәт йылы сиктәрендә, «Башҡортостан» гәзите коллективы билдәле фоторәссам Рәиф Баҙыҡовтың шәхси экспозицияһын ойошторҙо.

Билдәле фоторәссамдың Рәсәй кимәлендә лайыҡлы баһаланған эштәре халыҡ алдына тәүге тапҡыр сығарылған. Күргәҙмәне автовокзалда ойоштороу идеяһы гәзит хеҙмәткәрҙәренеке. Маҡсат юлдағыларҙың буш ваҡытын файҙалы үткәреү.

Бындай күргәҙмә республикала тәүге тапҡыр ойошторолдо. Уны халыҡ йылы ҡабул итте.

Күргәҙмәгә «Күңел көҙгөһө» тигән исем юҡҡа ғына бирелмәгән. Тормошто төрлө яҡлап сағылдырған фотоһүрәттәр күптәрҙе хайран ҡалдыра. Башҡортостан халҡын ғына түгел, күрше республиканан килгән ҡунаҡтар өсөн дә экспозиция ҙур ҡыҙыҡһыныу тыуҙырҙы.

Гәзит, интернет йәмғиәт үҫешенең төп сығанағы. Ул кешелектең аң кимәлен үҫтереүгә ҙур өлөш индерә. Әммә әҙәм балаһы рухи яҡтан камиллашырға тейеш тип иҫәпләй сараны ойоштороусылар. Шуға күрә күргәҙмәгә бара алмағандар өсөн бында мөмкинлек йыл буйы дауам итәсәк.

Транспортта барыусыларҙың мәҙәниәткә ҡыҙыҡһыныуы китап, гәзит уҡыуҙан ары китмәй ине. Заман яңылығы шул. Киләһе аҙнанан тәғәрмәс өҫтөндәге күргәҙмә ҡала буйлап йөрөй башлай.

Сығанаҡ: БЮТ сайтынан