16-21 октябрь Халыҡ-ара конкурстар лауреаты, Мәскәү филармонияһы артисы, кларнетсы Артур Нәзиуллин Башҡортостанда мәрхәмәтлек концерттары бирә.

Артур йәш булыуына ҡарамаҫтан, сәнғәт һөйөүселәргә күптән таныш. Ул яңыраҡ уҙған «Башҡортостанда тыуғандар» асыҡ һауала үткән концертта, ЮНЕСКО-ның Париждағы штаб квартираһында республиканы презентациялалауҙа ҡатнашты.

Кларнетсы Күмертау, Салауат, Стәрлетамаҡ, Учалы ҡалаларында сығыш яһаясаҡ. Тамаша БР Мәҙәниәт министрлығы һәм ҡала хакимиәттәре ярҙамында үтә. Программала классика һәм джаз ҡаралған. Концерттан килгән килем Балалар музыка мәктәптәренә йүнәлтеләсәк.

Музыкант быларҙың барыһы тураһында ла ентекләберәк 14 октябрь үтәсәк матбуғат конференцияһында һөйләйәсәк. Башлана 15.00 сәғәттә.