28 октябрь «ПитерКиТ» XIII Студент фильмы фестиваленең еңеүселәрен билдәләү тантанаһы үтте. Быйылғы йылда абруйлы фестивалдең жюри рәйесе булып Рәсәйҙең халыҡ артисы Глеб Панфилов, ә жюри ағзалары составына билдәле сәнғәт эшмәкәрҙәре һайланды. Шулай уҡ Санкт-Петербург дәүләт кино һәм телевидение университетының студенттарынан торған жюри ла үҙ эшен лайыҡлы башҡарҙы.

Быйылғы йылда конкурста ҡатнашыу өсөн 120 ғариза бирелгән, төп конкурсҡа 71 фильм үткән. Еңеүселәр түбәндәге номинацияларҙа билдәләнде: «Гран-При», «Иң яҡшы документаль фильм», «Иң яҡшы анимацион фильм», «Иң яҡшы оператор эше», «Иң яҡшы тауыш режиссеры», «Уйын фильмының иң яҡшы режиссеры».

«Башҡортостан» киностудияһы фестивалдә лайыҡлы сығыш яһаны – студенттарҙан торған жюри ағзаларының махсус призына Айнур Асҡаровтың «Әсе бал» документаль-уйын фильмы лайыҡ булды. Өлкән жюри ағзалары Таңсулпан Бураҡаеваның «Мин өйләнәм!» уйын жанрындағы фильмын «Художестволы ышандырырлыҡ булғаны өсөн» номинацияһында билдәләнеләр.

Ә инде иң төп бүләк – Гран-Приға «Әсе бал» картинаһы лайыҡ булды. 

Йәш кинорежиссерҙарыбыҙҙы ихлас ҡотлайбыҙ! Үрләйәсәк үрҙәрегеҙ күп булһын, йәштәр!