Шаран районының Дүртөйлө ауылы мәктәбендә Геннадий Топольниковтың картиналарынан һәм Раил Мусиндың фотоларынан торған күргәҙмә эшләй.

Картиналарҙа тыуған төйәгебеҙҙең матурлығы сағыла. Ҙур ҡыҙыҡһыныу тыуҙырған һүрәттәр буйынса уҡыусылар инша яҙа. Уҡытыусылар билдәләүенсә был белем биреүҙе төрләндереүҙә, балаларҙа сәнғәткә һөйөү тәрбиәләүҙә уңышлы алымдарҙың береһе.

Экспозиция быға тиклем Бәләбәй, Туймазы, Саҡмағош райондарында булып өлгөргән. Мәҙәниәт йылында авторҙар республикабыҙҙың башҡа райондарына ла барырға ниәтләй.

Сығанаҡ: БЮТ сайтынан