Яңы йыл алдынан М.Ғафури исемендәге Башҡорт дәүләт академия драма театрында йәнә премьера - был юлы балалар өсөн Н.Носовтың (З.Бураҡаева инсценировкаһы) “Белмәҫйән мажаралары” әкиәте тәҡдим ителә. Театр һәр йыл тиерлек Яңы йыл байрамына балалар өсөн мауыҡтырғыс әкиәт әҙерләй. Исеменән үк күренеүенсә, быйыл да мажаралы, сағыу тамаша көтә кескәйҙәрҙе. “Белмәҫйәндең (Незнайка) Башҡорт академия драма театры сәхнәһен тәү күреүе һәм ул да бик тулҡынланып көтә тамашасыны”,- ти Белмәҫйән ролен башҡарыусы йәш артист Айнур Ситдиҡов.

Ҡәҙерле ата-әсәләр! Балаларығыҙға мөғжизәле байрам бүләк иткегеҙ килһә, рәхим итегеҙ!