13 ноябрь Хөсәйен Әхмәтов исемендәге Башҡорт дәүләт филармонияһының Ҙур залында Башҡортостандың халыҡ артисы Ришат Рәхимовтың юбилей концерты уҙа. Билдәле ҡурайсыны, педагогты ҡотларға артистың ижадташ дуҫтары, уҡыусылары киләсәк. Ижад кисәһендә БР Милли халыҡ ҡоралдары оркестры, Азат Айытҡолов, Рәсүл Ҡарабулатов, Ишморат Илбәков, Рима Амангилдина, Вәлит Илембәтов, Лилиә Ишемйәрова, Сәғиҙулла Байегет, Рушан Биктимеров, Илшат Ишморатов, «Ант» төркөмө, Фәттәх Аралбаев, Илһам Байбулдин, Фирҙүс Шәрифуллин, Марсель Сәитов ҡатнашасаҡ. Шулай уҡ Өфө сәнғәт училищеһының Ҡурайсылар ансамбле һәм Башҡорт халыҡ ҡоралдары оркестры кисәгә матур йәм өҫтәйәсәк.

Концерт 19.00 сәғәттә башлана. Тамашаға рәхим итегеҙ!