Башҡортостан Республикаһының Милли музейында “Йондоҙ менән экскурсия” акцияһы март аҙағынаса барасаҡ.

– Һәр шаршамбы билдәле шәхестәрҙе осрашыуға саҡырабыҙ. Улар барыһы менән дә бергә экскурсия үтә һәм шул уҡ ваҡытта төрлө һорауҙарға яуап бирә, – ти музейҙың матбуғат секретары Нурия Кинйәбаева.

Кисәге осрашыуға М. Ғафури исемендәге Башҡорт дәүләт академия драма театры артисы Артур Кәбиров килде. Ул яратҡан шөғөлдәре, ғаиләһе, ижады тураһында һөйләне. Рәсәй Геройы генерал Миңлеғәле Шайморатовҡа арналған күргәҙмә комплексына еткәс, әгәмә тағы ла йәнләнде. Әйткәндәй, “Ат уйнатып алдан бара” (сценарий авторы – Зөһрә Бураҡаева) спектаклендә Артур Кәбиров төп ролде башҡара.

– Образ өҫтөндә эшләгән саҡта Бөйөк Ватан һуғышы һәм генерал Шайморатов тураһында байтаҡ әҙәбиәт уҡыным. Тағы ла баянда уйнарға өйрәнергә тура килде, сөнки ҡаһарман яҡташыбыҙ был музыка ҡоралында һәйбәт уйнаған, – тине актер.

Киләһе осрашыуҙарға 8 927 334 00 63 телефоны буйынса яҙылырға мөмкин.

Нурзия Хәсәнова