Өфөнөң 2-се һынлы сәнғәт мәктәбендә асылған күргәҙмә шулай атала.

Бында Әхмәт Лотфуллин, Александр Пантелеев, Тамара Нечаева, Александр Бурзянцев кеүек билдәле оҫталарҙың эштәре урын алған. Экспозицияла кеше, тәбиғәт күренештәре, тарих һынландырылған өс тиҫтәнән ашыу картина бар. Ойоштороусылар әйтеүенсә, йәш рәссамдарға әлеге ижад емештәре аша техник мөмкинлектәрҙе, буяуҙар менән дөрөҫ эш итә белергә лә өйрәнергә мөмкин. Халыҡҡа таныш булмаған картиналар республиканың төрлө төбәктәренән йыйып алынған. Мәҫәлән, урыҫ рәссамы Николай Кузнецов төшөрөлгән картина Әбйәлил районында табылған. Уның авторы Башҡортостандың халыҡ рәссамы Әхмәт Лотфуллин.

Сығанаҡ: Башҡортостан юлдаш телевидениеһы сайтынан