Ейәнсура-данлы төйәк. Республикабыҙға бихисап билдәле шәхестәр бүләк итте ул. Дәүләт һәм йәмғиәт эшмәкәре Фәйзулла Солтанов, Башҡортостан республикаһының Салауат Юлаев премияһы лауреаты, шағир Хәсән Назар, профессор Ирек Аҡманов, Башҡортостан республикаһының халыҡ йырсыһы Мәғфирә Ғәлиева, Башҡортостан республикаһының халыҡ яҙыусыһы Марат Кәримов - исемлекте сикһеҙ дауам итергә мөмкин. Был күренекле шәхестәр халҡыбыҙҙың мәҙәни, сәйәси үҫешенә тос өлөш индерҙе. Ейәнсуралар үҙҙәренең тоҡомдаштарын онотмай. Уларҙың ҡаҙаныштарын ҙурлай һәм йәш быуында улар еткән үрҙәргә тиң уңыштарға өлгәшер, халҡының киләсәген етәкләрҙәй шәхестәр тәрбиәләй. Был изге эштә Ейәнсура яҡташтары ойошмаһының роле ҙур. Ойошма бына инде 12 йыл эшләп килә. Быйыл, йәғни ун икенсе декаберҙә, сәғәт етелә Хәсәйен Әхмәтов исемендәге Башҡорт дәүләт филармонияһында, берекмә яҡташтарын, дуҫтарын йыя. Сағыу тамашала Ейәнсура таланттары сығыш яһаясаҡ. Район үҙәгенән рәсми делегацияһының да килеүе көтөлә. Шулай уҡ яңылыҡтарға һәр ваҡыт хәбәрҙар булырға теләгәндәрҙе фойела республиканың гәзитен-журналдарына яҙылыу көтә. Йыр-моңға, билдәле шәхестәр, яҡташтар менән осрашыуға бай тантанаға рәхим итегеҙ, дуҫтар!

Тамаша 12 декабрь 19.00 сәғәттә башлана. Инеү бушлай.