29 октябрь 15.00 сәғәттә Ә.-З. Вәлиди исемендәге Милли китапханала электрон китапхананы асыу тантанаһы үтә. 

Электрон китапханала 4 йүнәлеш буйынса ҡиммәтле материалдар тупланасаҡ:

- Аудиояҙмалар

- Видеояҙмалар

- Ваҡытлы матбуғат

- Китаптар

Һәр бүлек үҙенең йүнәлешенә ярашлы материалдарҙан торасаҡ. «Китаптар» бүлегендә Башҡортостан яҙыусыларының әҫәрҙәре, һирәк осраған архив документтары тупланған. «Аудиояҙма»ла республика композиторҙарының йырҙарын тыңлау мөмкинлеге бар. «Ваҡытлы матбуғат» бүлегендә ҡулланыусы 19 быуаттан алып хәҙерге көндәргә тиклемге матбуғат баҫмалары менән таныша ала. «Видеояҙмалар» ҙа иһә билдәле шәхестәребеҙ Аҡмулла, Салауат Юлаев хаҡындағы нәфис фильмдар ҡарай ала.

Әйтергә кәрәк, электрон китапхана яңы материалдар менән тулыланып барасаҡ. Ул түбәндәге адрес буйынса урынлашҡан.