27 февралдән 1 мартҡа тиклем Өфөлә Светлана Хәмиҙуллина исемендәге Башҡорт музыкаһын фортепианола башҡарыусылар араһында асыҡ республика конкурсы үтә. Ул алтынсы тапҡыр уҙғарыла. Конкурсты Заһир Исмәғилев исемендәге Өфө дәүләт сәнғәт академияһы ойоштора.

Конкурстың маҡсаты – башҡорт халҡының рухи мираҫын пропагандалау, яңы таланттарҙы асыу, башҡорт фортепиано музыкаһы фондын байытыу.

Конкурста ҡатнашыу өсөн ғаризалар ҡабул ителә башланы, ул 7 февралгә тиклем дауам итә. 

Асыҡ конкурста 7 йәштән 25 йәшкә тиклемге яңғыҙ башҡарыусылар һәм ансамблдәр ҡатнаша ала.

Ҡатнашырға теләгегеҙ булһа, ғаризағыҙҙы түбәндәге адрес буйынса ебәреү кәрәк: Өфө ҡ., Ленин ур., 14, З.Исмәғилев исемендәге Өфө дәүләт сәнғәт академияһы, йә иһә электрон адресҡа: Этот адрес электронной почты защищён от спам-ботов. У вас должен быть включен JavaScript для просмотра..