23 октябрь Фәйзи Ғәскәров исемендәге халыҡ бейеүҙәре ансамбленең художество етәксеһе Филүз Ҡаҙаҡбаев, балетмейстр Марат Кәримов һәм бейеүсе Рәзилә Билалова менән берлектә матбуғат конференцияһы уҙҙы. Улар Башҡортостан Республикаһының яңыраҡ Парижда үткән көндәре, Японияла Рәсәй мәҙәниәте фестивалендә ҡатнашыуҙары һәм киләһе ижад миҙгеле хаҡында ентекле һөйләнеләр. 21 һәм 27 декабрь ансамбль «Ғәскәров мираҫы» тип аталған яңы программа менән сығыш яһаясаҡ. Әйткәндәй, был проект Президент грантына лайыҡ булды. Программа атаҡлы хореографтың яңынан тергеҙелгән бейеүҙәренән тора.

21 декабрь – «Химиктар» мәҙәниәт һарайы

27 декабрь - «Йәштәр» мәҙәниәт һарайын

Билеттар ҡала кассаларында.