Бөгөн, 7 ноябрь, Әхмәт-Зәки Вәлиди исемендәге Милли китапханала билдәле шағирә, йәмәғәт эшмәкәре, Рәсәйҙең һәм Башҡортостандың атҡаҙанған мәҙәниәт хеҙмәткәре, Һ.Дәүләтшина һәм М.Аҡмулла исемендәге премия лауреаты Гөлфиә Юнысованың тормош һәм ижад юлына бағышланған матур кисә үтә.

Гөлфиә Юнысова – бик күп шиғри китаптар авторы. Уның шиғырҙары тормошҡа, кешелеккә һөйөү менән һуғарылған. Уның ижадының төп темаһы булып ҡатын-ҡыҙ, әсә, бәхет, мөхәббәт, матурлыҡ төшөнсәләре тора. Гөлфиә Аҙнағол ҡыҙының шиғырҙары тормошсан, фәлсәфәүи булыуы менән күңелдәргә үтеп инә.

Ижад кисәһендә шағирәнең ижадына ҡыҫҡаса байҡау яһаласаҡ, билдәле әҙиптәр сығыштары һәм байрам концерты көтөлә.