6 июль Аҡъяр ауылында «Бөйөк дала» II Асыҡ республика рок фестивале үтә. Был хаҡта район хакимиәте белдерҙе.

Фестивалдә Башҡортостан, Ырымбур, Ҡаҙағстандың музыкаль төркөмдәре ҡатнашасаҡ. Әлеге көндө 15 коллектив конкурста ҡатнашыу өсөн ғариза биргән дә инде. Төп шарт – артистар тере тауышҡа йырларға тейеш.

Рок йыйыны милли рок мәҙәниәтен үҫтереү һәм популярлаштырыу кеүек маҡсаттар ҡуя.

Башҡортостандан «Ант», «Рух», «Бүреләр» кеүек билдәле төркөмдәрҙең сығыштары көтөлә.