Өфөлә Башҡортостандың атҡаҙанған рәссамы Иван Фартуковтың шәхси күргәҙмәһе эшләй.

Сәнғәт галереяһының өс залында урынлашҡан экспозицияла 90-дан ашыу картина: пейзаждар, портреттар, натюрморт һәм линогравюра техникаһы буйынса ижад ителгән картиналар менән танышырға мөмкин. Уларҙың күбеһен рәссам сәйәхәттән һуң яҙған. Ижад емештәренең географияһы ла киң. Башҡортостандың, Мысыр, Италия кеүек сит илдәрҙең матурлығын сағылдырғандары ла, тарихи, дини темаларға арналғандары ла, графика эштәре лә бар. Күргәҙмә 6 ноябргә тиклем дауам итә.