Бөгөн Өфөнөң Салауат Юлаев майҙанында «Ислам – экстремизмға ҡаршы!» республика акцияһы барышында «Иң изге теләктәр менән!» тип исемләнгән концерт ойошторола. Ул йәштәр араһында дини экстремизм һәм радикализмды иҫкәртеүгә йүнәлтелгән. 

Концертта Рәсәй мосолмандарының Үҙәк Диниә назараты рәйесе, юғары мөфтөй Тәлғәт Тажетдин, Башҡортостан мосолмандарының Диниә назараты рәйесе Нурмөхәмәт Ниғмәтуллин, пауэрлифтинг һәм армрестлинг буйынса спорт мастеры Эльбрус Ниғмәтуллин, йәштәр мосолман һәм йәмәғәт ойошмалары вәкилдәре, башҡорт эстрадаһы “йондоҙҙары”ның ҡатнашыуы көтөлә.

Байрамда төрлө конкурстар, викториналар ҙа буласаҡ. Концерт киске сәғәт 7-лә башлана.

Сығанаҡ: "Йәшлек" гәзите