Ҡыуаныслы хәбәр бар һәм уның менән уртаҡлашырға ашығабыҙ: яратып ҡына уҡыған “Шоңҡар”ығыҙ Өфө ҡалаһын да яулай бара. Баш ҡаланың йәштәр сәйәсәтен яҡтыртыуға булышлыҡ иткәне өсөн Өфө ҡалаһы хакимиәтенең йәштәр сәйәсәте комитеты журнал редакцияһын рәхмәт хаты менән билдәләне. Баш ҡала хакимиәтендә үткән тантаналы сарала Өфө ҡалаһы хакимиәте башлығы урынбаҫары Сынтимер Биктимер улы Баязитов һәм Өфө ҡалаһының йәштәр сәйәсәте буйынса комитет рәйесе Урал Таһир улы Килсенбаев ҡатнашты. “Йылы һүҙ – йәнгә аҙыҡ” ти халҡыбыҙ. Тырышлыҡтарбыҙҙы күреп баһалауҙары өсөн оло рәхмәтебеҙҙе белдерәбеҙ.

Сығанаҡ: "Шоңҡар" журналы сайтынан