21 октябрь Х.Әхмәтов исемендәге Башҡорт дәүләт филармонияһының ҙур залында үтәсәк Башҡорт дәүләт опера һәм балет театры солисы Йәмил Әбделмәновтың концерты тап шулай атала. Был кисте яратҡан йырсыбыҙ һәм уның ижадташ дуҫтары Рушана Бабич, Марат Әхмәтзарипов етәкселегендәге симфоник оркестр йыр сәнғәтен һөйөүселәргә башҡорт һәм татар композиторҙарының иң матур йырҙарын бүләк итәсәк. Тамаша Йәмил Әбделмәновтың 20 йыллыҡ ижадына арнала. «Көҙгө ямғыр»лы кистә тамашасы З.Исмәғилев, С.Низаметдинов, Р.Яхин, Р.Хәсәнов, Н.Дауытов һәм Р.Сәхәүтдениваларҙың романстарын тыңлап кинәнәсәк. Йәмил Әхәт улының уҡыусылары – Рәдиф Зарипов, Салауат Мөхәмәтйәров, Дамир Таиповтар сараны үҙҙәренең сығыштары менән йәмләйәсәк.