9 декабрь З.Исмәғилев исемендәге Өфө дәүләт сәнғәт академияһының Ф.Шаляпин исемендәге залында Башҡортостан Республикаһы Композиторҙар союзының 4 йылға бер тапҡыр үтә торған йыйылышы үтте.

БР Композиторҙар союзы – композиторҙар һәм музыка белгестәрен туплаған ижади ойошма. Уның төп бурысы булып композитор һәм музыка белгестәрен ижади һәм профессиональ яҡтан үҫтереү тора.

Йыйылышта БР Мәҙәниәт министры Әминә Шафиҡова һәм РФ Композиторҙар союзының яуаплы сәркәтибе Ширвани Чалаев ҡатнашты.

Яңы рәйес итеп Өфө сәнғәт академияһының композиция кафедраһы мөдире, профессор, БР-ҙың халыҡ артисткаһы, БР-ҙың һәм РФ-ның атҡаҙанған сәнғәт эшмәкәре Ләйлә Исмәғилева һайланды.