Конкурстың ойоштороусылары – БР-ҙың РФ Президенты эргәһендәге тулы хоҡуҡлы вәкиллеге, «Башҡортостан» телерадикомпанияһы, БР-ҙың Мәскәү һәм Санкт-Петербург ҡалаларындағы студенттар һәм аспиранттар ассоцияцияһы һәм «Һомай» театры.

Конкурста ете һылыуҡай ҡатнашты. Ҡыҙҙар барыһы ла Башҡортостандан һәм әлеге көндә Мәскәүҙә юғары белем алалар. Конкурс барышында ҡыҙҙар үҙҙәрен бар яҡлап күрһәттеләр: үҙҙәре тураһында һөйләнеләр, рәсми һәм милли кейемдәрҙә сығыш яһанылар, йыр-бейеүгә маһирлыҡтарын күрһәттеләр.

Иң ҙур дәрәжә – Гран-приға – П.И. Чайковский исемендәге Мәскәү дәүләт консерваторияһы студенткаһы Камила Биҡҡолова лайыҡ булды. Камила «Һылыуҡай - 2014» республика гүзәллек бәйгеһендә Мәскәү ҡалаһы исеменән сығыш яһау хоҡуғын алды.