Мәжит Ғафури исемендәге Башҡорт дәүләт академия драма театры Мәҙәниәт йылын аса

Мәжит Ғафури исемендәге Башҡорт дәүләт академия драма театры  Мәҙәниәт йылын аса
22 февраль көнө сираттағы премьераһы - Игорь Герман пьесаһы буйынса «Ғәфү ит мине!» спектакле менән Башҡорт дәүләт академия драма театры рәсми рәүештә Мәҙәниәт йылын аса. Спектаклдең режиссеры - Олег Ханов, рәссамы -Альберт Нестеров, композиторы – Ләйсән Шәрипова. Спектаклдә Сара Буранбаева, Илдар Ғүмәров, Алһыу Ғәлина - Ғафарова, Ирек Булатов, Милена Сираева, Зилиә Хәлилова, Лилиә Ғәлина ҡатнаша.
Мәҙәниәт йылын ошо спектакль менән асыу символик мәғәнәгә лә эйә: мелодрама йәмғиәттә кешеләрҙең үҙ-ара аралашыуы, бер-береһе менән, иң мөһиме, яҡындары, балалары, һөйгән йәрҙәре менән аралашыу мәҙәниәте, тимәк, йәшәү мәҙәниәте, тормош матурлығы, ғүмер асылы хаҡында.
Мәҙәниәт йылында театрҙа бик күп саралар үтәсәк. Туған телгә, сәнғәткә һөйөү, күңелдә рух тәрбиәләгән, театр сәнғәтен пропагандалауға, тамашасылар һанын арттырыуға йүнәлтелгән бай йөмәткеле саралар төрлө быуын тамашасылары өсөн буласаҡ.
Спектакллдәр уйнау менән бер рәттән, фестивалдәрҙә ҡатнашыу, гастролдәр ойоштороу, «Самрау» Балалар студияһының эш һөҙөмтәләрен күрһәтеү, мәктәп, уҡытыу-тәрбиә учреждениелары менән берлектә эштәр алып барыу, район, ауыл һәм ҡалаларҙа ижади осрашыуҙар - барыһы ла буласаҡ Мәҙәниәт йылында.
Кемдәрҙеңдер шаярыу ҡатыш: « Театрҙың 95 йыллыҡ юбилей йылында Мәҙәниәт йылы иғлан ителгәнме, әллә Мәҙәниәт йылында театрҙың 95 йыллығы билдәләнәме?» тигән һорауына: был бәхетле тап килеү, тип яуапларға ғына ҡала. Ә бәхетленең ҡунағы бер көндә, тиҙәр... Шулай итеп, Мәҙәниәт йылы – ваҡиғалары театрҙың юбилей байрамына әҙерлек менән дә үрелеп барасаҡ һәм театрҙың декабрь айындағы юбилей тантанаһы - Мәҙәниәт йылының иң сағыу ваҡиғаһы булып тарихта ҡаласаҡ.
Сығанаҡ: БДАДТ сайтынан

 

Интернет - портал "Культурный мир Башкортостана" учрежден по поручению Главы Республики Башкортостан от 18 июля 2011 года и реализует свою деятельность при поддержке Министерства культуры Республики Башкортостан, ГАУКиИ РБ "Башкирская государственная филармония им. Хусаина Ахметова".

© 2016 All Rights Reserved. Designed By HunterWeb.ru

Контакты редакции

E-mail: kmb.rb@yandex.ru

 

Разработка сайта - HunterWeb