Мәжит Ғафури исемендәге Башҡорт дәүләт академия драма театрында премьера!
22, 28 февралдә Мәжит Ғафури исемендәге Башҡорт дәүләт академия драма театрында миҙгелдең сираттағы премьераһы - «Ғәфү ит мине!» мелодрамаһы тамашасы хөкөмөнә сығарыла. Спектакль замандашыбыҙ Игорь Германдың яңы пьесаһы буйынса ҡуйыла. Режиссеры - Олег Ханов, Рәссамы- Альберт Нестеров. Композиторы - Ләйсән Шәрипова .
Һәр кемдең бәхеткә хаҡы бар, кемдер тыуғанда уҡ бәхетле, ә кемгәлер ул һуңлабыраҡ килә. Килә, тик бер-береһенә насип парҙарҙың күңел ишектәре асыҡ булһын һәм улар көтә белһен, сабыр булһын, өмөттәре өҙөлмәһен. Йән әрнеүе һалған яҡынынан ғәфү үтенеп, сафланып китергә лә онотмаһа ине кеше...
Спектаклдә Сара Буранбаева, Илдар Ғүмәров, Алһыу Ғәлина - Ғафарова, Ирек Булатов, Милена Сираева ҡатнаша.
