Башҡортостан Республикаһының Яҙыусылар союзы 1 августан 31 октябргә тиклем Мөхәмәтша Буранғолов исемендәге әҙәби премияға дәғүә итеүселәрҙән ғариза ҡабул итә. Ғаризаларҙы Рәсәй һәм Башҡортостан Яҙыусылар союзы ағзалары – яҙыусылар, шағирҙар, әҙәбиәт белгестәре, фольклорсылар бирә ала. Тәҡдим ителгән эштәр башҡорт әҙәбиәтенең, фольклорының проблемаларына арналырға, әҙәби әҫәрҙәрҙә халыҡтың тормошон, уларҙы борсоған мөһим мәсьәләләрҙе сағылдырырға тейеш.

Премияға дәғүә итеүсе китаптар йыл дауамында матбуғатта баҫылырға тейеш.

Ғаризаларҙы түбәндәге адрес буйынса тапшырырға: Өфө ҡ., Коммунистик ур., 34. Телефон 273–30–47.

Хәтерегеҙгә төшөрәбеҙ, Мөхәмәтша Буранғолов исемендәге әҙәби премия Яҙыусылар союзы тарафынан 2012 йылда булдырылды. Тәүге лауреат яҙыусы һәм тарихсы Йыһат Солтанов.