27 ноябрь Милли музейҙа Никас Сафроновтың шәхси күргәҙмәһе асыла. Автор үҙе лә был сарала ҡатнашасаҡ.

16.00 сәғәттә матбуғат конференцияһы үтәсәк, Никас Сафронов журналистарҙы ҡыҙыҡһындырған һорауҙарға яуап бирәсәк.

Никас Сафронов – донъя кимәлендә танылған рәссам. Уның эштәре күбеһенсә шәхси ҡулдарҙа һаҡлана. Уның картиналары Софи Лорен, Ален Делон, Жан-Поль Бельмондо, Пьер Карден, Дайана Росс, Монтсеррат Кабалье, Мадонна, Михаил Горбачев, Никита Михалков кеүек йондоҙҙарҙың йорттарын биҙәй.

Өфө тамашасыһына рәссамдың төрлө жанрҙарҙа яҙылған 60 яҡын эше тәҡдим ителәсәк.