5 сентябрь Республиканың Милли симфоник оркесты асыҡ һауала «Башҡортостанда тыуғандар» тип аталған концерт программаһы менән сығыш яһай. Әйткәндәй, был проект республика Президентының 15 миллионлыҡ грантына лайыҡ булды.

Концерт Конгресс-холл янындағы майҙанда үтәсәк. Унда билдәле музыканттар – Олег Кирәев, Роберт Юлдашев, Әлфиә Кәримова, Илһам Вәлиев, Владислав Мортазин, Сыңғыҙ һәм Искәндәр Ханнановтар сығыш яһаясаҡ. Шулай уҡ Ольга Даукаева етәкселегендәге балет труппаһы ла концертта ҡатнаша. Тамаша 20.00 сәғәттә башлана.