Сочи ҡалаһында үтәсәк донъя күләмендәге спорт ярыштарында тәҡдим ителәсәк милли ризыҡтар араһында башҡорт балы ла бар.

Апитерапия һәм умартасылыҡ буйынса ғилми-тикшеренеү институтына олимпиада биләмәләрендә ойоштороласаҡ "Бәрхәт миҙгел" күргәҙмә-йәрминкәһендә ҡатнашыу хоҡуғы бирелде. Башҡортостан бренды өсөн махсус ағас өйҙәр урынлаштырыу күҙаллана. Институт етәксеһе Әмир Ишемғолов әйтеүенсә, экспозицияла көрәшсе кейемдәрендә ике ҙур айыу һыны ҡуйыласаҡ. Бал тәмләү көн һайын уҙғарылырға тейеш. Был маҡсатта Сочиға 5 тоннаға яҡын татлы ризыҡ оҙатыу планлаштырылған.