Күптән түгел Зәйнәб Биишева исемендәге «Китап» нәшриәтендә билдәле журналист, Шәһит Хоҙайбирҙин исемендәге премия лауреаты Рәсүл Сәғитовтың «Имен-аман тороғоҙ» тип аталған китабы донъя күрҙе. Беҙ был хаҡта яҙып үткәйнек инде. Әле автор хеҙмәт емешенең исем туйын үткәрә. Презентация 22 ғинуар, 14 сәғәттә, Башҡорт дәүләт педагогия университетының алтынсы корпусында, 202-се аудиторияла, Октябрь революцияһы урамы, 10 адресы буйынса үтәсәк.

Белешмә: Авторҙың был китабы радиожурналист һөнәренә бағышланған, уның был өлкәгә ҡағылған фекерҙәре тормоштан алынған конкрет миҫалдар менән нығытылған. Әйтергә кәрәк, баҫма журналист һөнәрен һайларға теләүселәр, йә иһә башлап тороусылар өсөн бик файҙалы булмаҡсы.