23 ғинуар 13 сәғәттә «Родина» кинотеатрында билдәле яҡташыбыҙ Рудольф Нуриевҡа арналған «Визит» нәфис фильмы күрһәтелә. Картинала 1976 йылда булған реаль ваҡиғалар һүрәтләнә. Өфөгә Иордания королеваһы Динә әбдел Хәмид килә. Билдәле булыуынса, ул Рудольф Нуриев менән яҡын дуҫтар булалар. Динә ханым Мәскәүгә рәсми визиты барышында, Өфөгә килергә һәм яҡын дуҫының әсәһенең хәлен белергә ризалыҡ һорай.
Фильм Республика Президентының 5 млн. гранты ярҙамында төшөрөлгән. Сценарий авторы һәм ҡуйыусы режиссеры - Булат Йосопов. Ролдәрҙә - Лаура Кеосаян, Рәмзил Сәлмәнов, Таңсулпан Бабичева, Гөлназ Асаева.
Рәхим итегеҙ! Фильмды шулай уҡ 26 ғинуар һәм 2, 9, 16 февралдә ҡарарға мөмкин буласаҡ.