Өфөлә 1-3 декабрҙә Рудольф Нуриевҡа арналған I Бөтә Рәсәй балет мәктәптәре фестивале үтәсәк. БР Мәҙәниәт министрлығында хәбәр итеүҙәренсә, илдең профессиональ бейеүселәр әҙерләүсе бөтә уҡыу йорттары ҡатнашырға ғариза бирҙе. Улар иҫәбендә Мәскәү һәм Санкт-Петербург академиялары, Новосибирск, Пермь, Красноярск колледждары, Ҡазан һәм Краснодар училищелары.

Фестиваль программаһында: гала-концерт, Нуриевтың ижади мираҫы мәсьәләләре буйынса түңәрәк өҫтәл һәм арҙаҡлы уҡытыусылар үткәрәсәк оҫталыҡ дәрестәре. Иң сағыу йәш башҡарыусыларға ике «Күтәрелеүсе йондоҙ» («Восходящая звезда») премияһы тапшырыласаҡ.